أسطورة النوم 8 ساعات! - شِفاخانة

النوم هو المتعة اللي مبيختلفش عليها ناس كتير 😀 في ايه امتع من مخدة طرية و غطا ناعم و الدنيا تبقى ضلمة كحل و مفيش و لا نفس حواليك و انت اصلا بتكون عايش في عالم تاني مع ناس تانيين في مغامرات و حوارات في الحلم ^_^ من اكتر اللحظات متعة في الوجود، بس اكيد مش ممتعة لدرجة ان الواحد ينام 8 ساعات ! تلت اليوم نوم ! مش كتير شوية .. شوية ايه .. ده كتير جدا !!

النوم الطبيعي 8 ساعات في اليوم !

يُقال ان النوم الطبيعي  في حدود 8 ساعات، و ده بالفعل ان كل الناس بتنفذه بس مش معناه انه طبيعي، النوم الطبيعي بيختلف من شخص لاخر، بيفرق بالسن و الجينات، فبيفرق في طبيعة الشخص نفسه ، يعني الكلمة دي اصلا جملة عامة مش لازم تطبقها على نفسك

امال انت المفروض تنام كام ساعة ؟

انت شايف انك المفروض تنام كام ساعة 😀 هي بتحسب كده 😉 انت بتقرر انك هتنام 8 ساعات ، نام الـ8 واصحي قيس انت فايق و لا لأ، و قيس مستوى راحتك في اليوم عموما عاملة ازاى ، و مستوى تركيزك اد ايه ، و تعالى تاني يوم و نامي 7 و شوف يومك هيبقى عامل ازاى 😉 و هكذا كل يوم .. و تجيب نوتة تكتب فيها كل الكلام ده، عشان على بعد اسبوعين كده تكون قدرت تقرر ان افضل حاجة ليك انك تنام 6 ساعات، اكتر من كده تبقى نمت كتير، و اقل من كده تكون مش مركز، و على فكرة مش معنى انك هتحس في يومك انك مش مركز معناها انك نايم قليل، لا خالص .. دي معناها انك نايم غلط، يعني ممكن يكون قليل و ممكن يكون كتير، لان النوم كتير مش صحي و مش بيخليك فايق على فكرة 😉

قلنا  النوم بيفرق مع  العمر و الجينات .. النوم بيفرق مع العمر ازاى ؟

    • البيبي اول ما بيتولد بينام 16 ساعة في اليوم :O مبيصحاش يعني 😀 لحد ما يبقى عندي شهر
    • و من شهر لسنة بينام تقريبا 15 ساعة .. اقل ساعة
    • و من سنة لـ3 سنين : 13 ساعة .. يعني اقل ساعتين
    • و يعدين من 3 سنين لـ 12 سنة : 10 ساعات
    • و من اول 12 لـ 18 : 8 او 9 ساعات
  • و من اول 18 بقى انت بقيت كبير و تبدأ تحسب الحسبة اللي فوق تحدد انت لنفسك بتحتاج وقت نوم اد ايه اللي هو ملوش عدد معين اصلا

أمال ليه الكبار بينامو اقل ؟

هو الحقيقة الكبار مش المفروض ينامو اقل، او بالاصح الـعلم بيقول انهم مبيناموش اقل ، لكن نومهم بيبقى خفيف، هي اصلا حلقة النوم بتكون من مرحلتين، مرحلة نومها خفيف و مرحلة نوم عمييييق، اهو كل ما تكبر في السن مرحلة النوم الخفيف بيزيد وقتها، فبيبقى صحيان الكبار اسهل، و ده بيخلى فترة نومهم ممكن تبقى اقصر، بس الطبيعي انهم بيحتاجو نفس فترة النوم اللي بيحتاجوها طول عمرهم عادي.

طب و الجينات وطبيعة الشخصية بتفرق في ايه في النوم ؟

الجينات بقى بتأثر على موضوع النوم الصبح و النوم بالليل، الناس نصهم طبيعيين عادي، بيقدرو يوفقو نومهم بالليل والصبح عادي مش فارق معاهم، لكن نصهم التاني بقى يا انسان صباحي (early bird)  او انسان ليلي (owl) .. الانسان الصباحي ده بيبقى فايق من قبل ما الشمس ما تطلع 😀 و اول ما يبدأ الليل يجي يبقى هو كده فصل تماما ! و العكس بالنسبة الانسان الليلي، بس هما مش ماشيين عالساعة يعني، يعني عادي ممكن يحيدو شوية بس في طبعا يقدروش يقلبو الادوار، المهم انه ده مبيتغيرش في الغالب عند الناس دي لانها طبيعة جينية.

ازاى تستفيد اقصى درجة من نومك ؟

  1. اختار سرير مريييح و مرتبة مريحة و مخدة طرية و غطا ناعم ^_^ استمتع بالنوم  بجد 😀
  2. الضلمة و الهدوووووء
  3. استبدل الموبايل بمنبه ^_^ مش غلاسة بس عشان مينرش و انتي في مرحلة النوم الخفيف و يقلق راحتك 😀 رغم ان اصلا لو مشيت مظبوط و على جدول نومك المريح حلو مش هتحتاج منبه 😉
  4. لو هتستخدم منبه فبلاش انك تظبطو على معاد و انت عارف انك هتقعد تعمل سنووز لمدة ساعة قدام 😀 خليك صريح مع نفسك و اعمله من الاول على المعاد اللي لازم تصحى فيه مش بدري عنه، عشان متقلقش راحتك عالفاضي
  5. خلى درجة حرارة الاوضة قليلة 😉 بيساعدك تدخل في النوم اسرع و تنام اعمق ^_^
  6. و طبعا متنساش تمشى على جدول النوم بالمواعيد اللي انت حددتها لنفسك 😉

النوم متعة محدش يقدر ينكرها، و هي الحاجة اللي لو حصلت صح بتظبطلك يومك و تساعدك عالتركيز و الراحة النفسية .. عشان تظبط يومك لازم تبدأ الاول تظبط نومك 😉

شاركنا

عن الكاتب :

أحنا عملنا شِفاخانة عشان نخليك تعمل العادات الغلط بأكتر طريقة صحية او مع الوقت تغيرها خالص ونزود

شارك بتعليقك