اتغدى و حلّي من المايكروييف :D - شِفاخانة

الـmicrowave  بقي جزء اساسي من كل بيت و ساعات كل شركة

وقت قليل و و بينجز و بيطلع أكل تحفة

اكله تحفة ايه بس اذا كان كل تعاملنا معاه اننا بنسخن فيه 😛

خلينا نكون صريحين مع بعض 😀

عشان كده قلنا نجيب شوية أكلات تتعمل بطريقة صحية و لذيذة و في دقايق قليلة اوي 😉

الأكل متعة و لازم نخرج بره فكرة ان عمايل الاكل ممل و بياخد وقت .. خلينا نستمتع بالاكل

 

البطاطس المحمرة بطريقة صحية:

بطاطس محمرة

بطاطس محمرة

عارفين احنا الناس اللي عايشة حياتها على البطاطس المحمرة .. الطعم اللذيذ  الشيبسي الجميل 😀

بس الزيوت بقي و ما ادراك ما الزيوت

مش صحية نهائي و السعرات فيها عالية جدا و مفيش من وراها اي فايدة

طب ليه ؟

نحمر بطاطس في المايكرووييف 😀

المايكرووييف بتاع كله 😀

بصي يا ستي 😀

  • تجيب كيس و تحطي فيه البطاطس المتقتطعة رقيقة جدا
  • و تحطى عليه ملعقة زيت  زيتون و حركيه و قلبيه كويس كويس  عشان البطاطس تبقى متغطية في الزيت ..
  • هاتي طبق بيدخل الميكروويف و ادهنى زيت زيتون بسيط اوى
  •  و حطي عليه البطاطس و شغليه دقتيتين

هتطلعلك بطاطس محمرة مقرمشة من غير زيت ضار بيكي 😉

————-

لما ابنك يقولك جعان و انتي لسه معملتيش الغدا .. مش لازم ياكل حاجات مش صحية ..  

جربي تعملي مكرونة بالجبنة

المكرونة مش لازم تتحط عالنار و تتسلق و تجهز صلصة و تسبك الصلصلة و موال

ممكن ببساطة تجيبي:

  • كيس المكرونة
  • شوية لبن
  • جبنة رومي
  • ملح و فلفل اسود

وتعملي بيهم الآتي 😀

  • تجيب طبق عميق تحط المكرونة و عليها مية
  • دخله المايكروويف دقتيتين و طلعيه يتقلب
  • كمان مرة دقتيتين و قلبيه
  • و كمان اخر مرة 😀
  • هتخرجيها تلاقيها استوت
  • هتزودي عليها شوية لبن اللي عليهم الملح و الفلفل الاسود و الجبنه الرومي و دخليها كمان دقتيتين

خلصتي المكرونة اللذيذة الصحية في 8 دقايق 😉

mac-cheese-mug

—————–

هناكل ايه بالليل واحنا سهرانين ^_^ الواحد نفسه في حاجة حلوة مسكرة 😀

نقوم نعمل كب كيك شيكولاتة بس من غير دقيق

الدقيق مش من الاكل الصحي و السعرات فيه عالية اوي

نعمل كب كيك شيكولاتة من غير دقيق

معجزة صح 😀 ؟

بيتهيألك ..

بصي يا ستي

هتحتاجي:

  • تفاح
  • كاكاو
  • فانيليا
  • ملح
  • بيكينج باودر
  • عسل

تقومي تعملي ايه:

  • هتجيبي حاجة غويطة صغيرة و لنفترض ماج
  • هتحطي ¼ الكوباية تفاح مفروم 😀 يعني تقشري التفاح و تعمليها عصير بس من غير مية 😀
  • زودي عليه  3 معالق كاكاو و شوية فانيليا و رشة ملح و و بيكينج باودر و معلقة عسل
  • قلبي كويس كويس كويس
  • و حطيه دقيقتين في المايكروييف 😉

chocolate-cake

الحاجات الحلوة بتبقي صحية و لذيذة اهو 😀

—————–

طب ساعات الواحد بيجيله مزاج ياكل حاجة غريبة 😀

ده بودينج الموز 😀

ممكن تنفع فطار او تنفع عشا 😀

هتجيبي المقادير:

  • عيش مقطع مربعات
  • موز مقطع شرايح
  • سكر او عسل
  • قرفة
  • لبن
  • زبادي
  • بيض

و طريقتها سهلة اوي 😀

  • طبق غويط بيدخل المايكروييف
  • تحطي العيش و عليه و العسل او السكر و عليه القرفة و شرايح الموز
  • و في ناحية تانية هتحطي الزبادي على البيضة على الفانيليا
  • و في ناحية تالتة هتسخني كوب اللبن
  • و بعدين تحطي كله على بعضه و تدخليه المايكروييف 😀

و بقي عنك بودينج لذيذ ^_^

مكرونة بالجبنة

—————–

طب مش هنشرب حاجة صحية بقي 😀

مشروب الفطار اللذيذ ^_^

الفانيليا الساخنة بالقرفة 😀

  • هتملي ¾ الكوباية لبن
  • و تحطي فانيليا و قرفة و و ملعقة عسل 😀

و في المايكروييف دقتيتين 😀

بس خلاص بقي مشروب لذيذ ساخن ينفع في الفطار ^_^

medium_cinnamon-roll-protein-shake_3hugaslxybt2a-1

—————–

الأكل الصحي ممتع في عمايله و سهل و مبياخدش وقت 😀

بس محتاج انك تبدأي تجربي .. و بعد كده هتدمنيه و تلاقي اكلك كله صحي 😉

 

جربي وصفة من دول و قوليلنا رأيك 😀

شاركنا

عن الكاتب :

أحنا عملنا شِفاخانة عشان نخليك تعمل العادات الغلط بأكتر طريقة صحية او مع الوقت تغيرها خالص ونزود

تعليقان

شارك بتعليقك