[ افضل انواع المراتب ] لنوم صحي - فن اختيار المرتبة 2017 - شِفاخانة

ضهرك بيوجعك و بتصحى جسمك مكسر و بتقعد تتمطع كدة علشان تفرد نفسك، و طول اليوم حاسس انك مش مرتاح؟ … أنت عارف ان دة ممكن جدا يكون بسبب المرتبة لو انت معندكش اى نوع من المشاكل في العمود الفقرى.هتعرف معانا افضل مرتبة سرير مناسبة ليك ، و افضل انواع المراتب عموماَ ،

لأن تقريبا كل الناس مش بتعرف تختار مرتبة صح ، و بتفتكر انها حاجة بسيطة و مش بتأثر و هما ميعرفوش أن دى من أهم أسباب النوم براحة كبيرة ، يعني مينفعش يكون عندك الم فى ضهرك أو بتصحى تحس جسمك وَجعك و تفتكرهُ تعب بسبب الشغل، ارهاق الشغل اكيد بيأثر على النوم بس مش هو السبب انك بتصحى جسمك مكسر.

ازاى تختار افضل مرتبة سرير مناسبة ليك :

أولاً: المراتب القطن دى أوحش نوع مرتبة متسمعش كلام الناس اللي بتقولك “ما اهلينا كانوا عايشين عليها العمر كله و هم زى الفل اهو”
ثانياً: مفيش نوع مرتبة مناسب لكل الناس، كل شخص و ليه نوع مناسب على حسب وزنهُ و شكل جسمهُ، لأن الموضوع بيعتمد على حاجة واحدة بس هى أن جسمك يكون طول وقت النوم في وضع معين، ايه الوضع ده بقى ؟

افضل انواع المراتب

هو زى اللي في الصورة ده اياً كان نوع المرتبة ، أهم حاجة فيها إنها تكون بتـدعم العمود الفقري و ده تقدر تعمله بأن يكون جسمك كله لامس المرتبة و فى نفس الوقت و أنت نايم على الجنب يكون العمود الفقرى مستقيم ،

و لو نايم على ضهرك يكون عمودك مفرود بانسيابية. لأن في وقت النوم جسمك لازم يعمل عمليات مهمة كتيير زى الهضم و راحة العضلات ، ده غير انه بيقوى الذاكرة ، باختصار النوم بيريح جسمك من الضغط اللى عليه و لو ده محصلش أكيد هتصحى جسمك مكسر و محستش براحة بعد النوم.

ثالثاً: مفيش حاجة اسمها المرتبة دى “ناشفة” و دي “طرية” الموضوع دة نسبى و بيختلف على حسب وزن الجسم، علشان الجسم اللى 40 كيلو تأثيره على المرتبة هيختلف عن الشخص اللى 120 كيلو.

رابعاً: شكل جسمك هيفرق و أنت بتحدد المرتبة، مثلاً لو أنت من الناس اللى جنبها أعرض من بقية جسمها، يستحسن تختار مرتبة طرية بالنسبة لوزنك علشان تساعد جسمك على انه يفضل على الشكل اللى اتفقنا انه بيـدعم الجسم.

المراتب الصحية

زي فالصورة اللي فوق هي كانت نايمة على مرتبة ناشفة بالنسبة لوزنها فدة كان مأثر عليها ان جنبها مرفوع زيادة، لكن بص على الصورة اللي تحت و المرتبة هنا طرية بالنسبة لوزنها فهي نايمة بشكل مريح اكثر.

طب تعالى نشوف بقى لو المرتبة ناشفة اوي او طرية اوي هيحصل ايه؟:

تاثير المرتبة الناشفه علي الجسم

في الصورة اللي فوق المرتبة ناشفة بزيادة و مش بتاخد شكل الجسم خالص، فطبعا هتلاقي الـجنبين و الكتف متّنيين و العمود الفقرى بيفضل طول اليل متّنى ، عشان كدة المراتب الناشفة يتكون في الأغلب حلوة للأجسام الرشيقة.

تاثير المرتبة الطريه علي الجسم

هنا بقى المرتبة طرية بزيادة، بتاخد شكل الجسم أكثر ما احنا عايزين، فتلاقى أن العمود الفقرى فضل متّني برضه، ومأخدش الـدعم المطلوب.

تعالى نعرف بقى افضل انواع المراتب :

1- Spring Bed 

افضل انواع المراتب الصحية

دى المراتب اللي فيها سوست من جوه ، دى بتكون ناشفة، الدكاترة دايما بيـنصحونا  بيها لفترة معينة لما يكون فى الم في الضهر بسبب اى مشاكل. لكن لو أنت معندكش وجع في ضهرك ، تجارب الناس بتقول عكس كده ، وأن النوم عليها لمدة طويلة بتوجع الضهر.عشان كدة لو الدكتور نصحك بيها اسألهُ على المدة اللى أنت محتاج تنام عليها عشان لو طولت بزيادة ضهرك هيوجعك.

الـسوسَت نفسه في منه أنواع:

من افضل انواع المراتب

الـcontinous و الـopen  دول الـسوست متربطة ببعض، يعني لو حد اقعد على المرتبة من ناحية كد كدة هيأثر على بقيت المرتبة، حتى لو كانت في الـopen التأثير بيكون أقل .. لو الزوجين اوزانهم مختلفة يُستحسن تبعدوا عنها.

أما الـpocket دى كل سوستة منفصلة عن الثانية ، عشان كدة دى أنسب حل لو الزوجين وزنهم مختلف.

2-Foam (visco elastic)

صورة اخري من افضل انواع المراتب

  •  هي من اكثر المراتب المريحة ومن افضل انواع المراتب عموماً
  • بتاخد شكل الجسم الى حد ما
  • الدكاترة بيـrecommend وها للناس اللي عندها ارهاق مزمن.
  • يستحتسن تستخدم للى عنده muscle pain
  • من عيوبها انها بتاخد شكل الجسم بسرعة و ده بيخليها تبوظ بعد فترة قصيرة جداً

4- Latex Bed

ده متصمم على شكل الجسم مش بياخد شكل الجسم، فده لو أنت جسمك رفيع اوى “سكيني”  دى هتكون مرهقة جدا ليك ، دى كويسة جداً للجسم الـلي فيه منحنيات “مقلبظ شوية”

  • ده مناسب جدا للى عنده الام في الضهر، لأنه بيريّح الضغظ اللي بيبقى عالضهرلما تنام
  • دكاترة كثير بينصحوا بيها لأنها اكثر حاجة مشتركة  و مناسبة لكل الناس، و كمان بتدي دعم لجسمك في كل الأوضاع، الصورة اللي جاية هتشرحلك ليه.

اضواع النوم

5-Air Bed

Air bed

  • دي بتكون كويسة للي عنده اصابه في العمود الفقري، أحسن حاجة فيها أنك تقدر تظبط نشفانها براحتك.
  • للأزواج اللي أحجامهم مختلفة أو شكل جسم كل واحد مختلف دى أحسن حل ليهم ، لأنها من جوه بتكون متقسمة لأربع أوض، فتقدر تظبط نشفان كل أوضة على حسب الجسم و راحة كل واحد.

6- Adjustable Bed

Adjustable Bed

ده حلو اوى لأى حد عنده أمراض زى أرق أوارتجاع فى المرئ ، أو مثلاً الناس الكبيرة اللي عضلاتها بدأت تضعف و بقى صعب انه يقوموا من على السرير. أنا مش عارفة النوع ده موجود و سهل الناس تجيبه ولا لاء، لكنه موجود في المستشفيات عادي، أعتقد انه سهل جدا توصي عليه و تجيبه.

7- الكنبة -_- 

لو نمت على الكنبة مترجعش تشتكي، دى مش سرير اصلا ، لأنها معمولة من أسوء نوع foam ، لو معندكش مساحة هات السرير اللى بيتقفل و المرتبة الـfoam. بس كله الا الكنبة، دى تنام عليها مرة ولا اثنين في الشهر بالكثير يعني.

امتى نغير المرتبة ؟!:

لما تبدا تحس بتعب و أنت قايم من على السرير. أو لما تحس أن جسمك وجعك حتى و أنت نايم فترة طويلة ، أقصى حاجة في خلال 10 سنين لو حتى المرتبة مجرلهاش حاجة لازم تغيرها علشان البكتريا و الـفطريات ، لأنها بتسبب أرق و حساسية للجسم.

فى النهاية..

رغم انى قولتلك افضل انواع المراتب علشان تبقى عارف عنها برضو، الا أنه مش مهم النوع قد ما أهم حاجة انك تعرف أن جسمك لازم يكون مرتاح، و متشتريش مرتبة من غير ما تجربها، أى محل بيبيع مراتب بيكون عارض أنواع   المراتب لها و مسموحلك تجرب، شوف بقى انهي اكثر حاجة مريحاك و في نفس الوقت بتدى الـدعم المناسب لجسمك. ولو حابب تعرف اكتر عن النوم الصحي ممكن تبداء من انك تغير وجهة نظرك عن أسطورة النوم 8 ساعات 

المرة الجاية و أنت بتشتري المرتبة متخليش الراجل يقعد يفتيلك فى افضل انواع المراتب، اعرف أنت أكتر حاجة مناسبة ليك و روح اشتريها.

 

شاركنا

عن الكاتب :

أحنا عملنا شِفاخانة عشان نخليك تعمل العادات الغلط بأكتر طريقة صحية او مع الوقت تغيرها خالص ونزود

تعليقان

  1. أولا بحيكم على الموقع الرائع وأتمني أن تزداد مقالاته. ولكن للأسف لاحظت بطء في فتحه!!!
    بمناسبة هذا المقال الوافي جدا…تمنيت إني هعرف منكم أفضل ماركة أقتني منها مرتبة..أتمني أن يصلنى إيميل بالرد…متمنيا لكم مزيد النجاح

شارك بتعليقك