[ الرجيم الكيميائي الصحيح 2017 ] كل ما تحتاجين معرفته - شِفاخانة

الرجيم الكيميائى صحى

دي أول وأكتر جملة هتسمعيها  انتي بتدوري علي رجيم كيميائي سريع، هتلاقي ناس كتير بيقولوك ان في نوع دايتاسمه  الرجيم الكيميائي لمدة اسبوع بس!  وفعال جداً،

وهتلاقيهم بيدوكي طرق و وصفات الرجيم الكيميائي  – اللي هما عارفينها – بغض النظر عن طبيعة جسمك  و بيقولوك انها سحرية لكن للأسف في الغالب مش هتجيب معاكي أي نتيجة،

 إحنا بقا شايفين الموضوع بنظرة مختلفة تماماً ومقتنعين إنك لازم تعرفي الاول جسمك بيخس ازاي ؟ وبعدين تعرفي كل حاجة عن نوع الريجيم الي هتستخدميه عشان كدا دا الي هنتكلم معاكم فيه :

ما هو الرجيم الكيميائي ؟

اضرار الريجيم الكيميائي

تجارب الرجيم الكيميائي

الريجيم الكيميائي الصحيح

__________________________________

خلينا الاول نقولك ” ما هو الرجيم الكيميائى ؟ “

ده نظام بيعتمد على أنك بتاكلى نوع واحد بس من الطعام لفترة محددة ، و الأكل اللى بيتاكل ده بيتحد و يتفاعل مع بعضه عشان يعمل نقص فى الوزن

طبعاً لما تقرأى الكلام ده هتقولى الله ده حاجة حلوة و هو دا اللى انا كنت بدوّر عليه .. رجيم كيميائى سريع !

لكن فى الحقيقة ان الباحثين و الاطباء فى المجال التغذية أكدو خطورة الرجيم الكيميائى على الصحة !

الرجيم الكيميائي بيتسبب في موت خلايا الجسم ،  دة لأنه بأختصار بيكون لمدة اسبوعين او شهر كحد اقصى، و بعد كدة هيغيره بنظام غذائي صحي

أكيد كان عندك السؤال بتاعاشمعنى الرجيم ده بيخسس بسرعة يا دكتور؟

فتكون الاجابة على كذا شكل:

  • انه معمول من وجبات متوازنة و بشكل ما الوجبات دي بتلغي بعض

  • .انه معمول من سعرات قليلة جدا رغم أن الكميات مفتوحة

الحقيقة أن الرجيم الكيميائي بيشتغل على خسارة المياة من الجسم و حرق البروتين -ومش الكربوهيدرات-

و دة لأن جسم الإنسان بيعتمد على انه بيحرق 50% من الكربوهيدرات و لما مبتاكليش كربوهيدرات بيحرق 15% من البروتين و الدهون 35% و طبعا انتي هتشوفي ان بيتحرق 35% هتقولي ان الرجيم الكميائي اهو كويس !!

و أنتى طبعاً بتتشدى لكلمة ” الرجيم الكيميائى الفعال ” او ده رجيم كيميائى سريع و بيخلى القوام ممشوق !

لكن بما ان دي عكس طبيعة الجسم و اي حاجة مش طبيعية  بتكون غلط فأكيد النوع ده من الرجيم  مضر! عشان كدة الرجيم الكيميائي بيسبب حالة اسمها “الحمض الكيتوني”

!!!!! و ده اللي بيخلي الجسم يفقد المياة اللي فيه بسرعة جدا و كمية قليلة جدا من الدهون، بمعنى انك لو خسرتي 5 كيلو في اسبوع هيكون منهم 4 مياة و كيلو بس دهون!

اضرار الريجيم الكيميائي :

الخدعة في الرجيم الكيميائي أنك اول ما هتعمليه ممكن تخسي من 5 لـ10 كيلو،

 و ده رقم مغري بغض النظرعن اللي بيبوظه في جسمك  زي ما قولنا فوق وعموما  اي حد عنده مشاكل مع الوزن مستحيل مايفكرش في الرقم دا !

 .فمن البديهي انك تجازفي و تاخدي الخطوة

رغم ان لو قولنا ان اضرار و تحذيرات عن  الرجيم الكيميائي هي:

    • انخفاض في ضغط الدمقصور وظائف الكلى نتيجة للبروتين العالي
    • وظائف الكبد
    • سقوط الشعر
    • الإعياء المستمر
    • صعوبة التخلص من الوزن في المستقبل
    • مرارة بالفم ورائحة كريهة للفم وده نتيجة إن النظام معتمد على البروتينات بس كمصدر للطاقة و بالتالى الإجسام الكيتونية هتزيد و دى رائحتها كريهة
  • الشعور بالاكتئاب والتوتر، لأن الكربوهيدرات و النشويات من العادة انها هيا المسئولة عن إفراز هيرمون السيروتينين “هيرمون السعادة “
  • زيادة احتمال الاصابة بسرطان الثدي ” فى دراسات بتأكد وجود علاقة بين زيادة تناول البروتينات الحيوانية و الدهون بـزيادة فرصة الإصابة بسرطان الثدى “

طبعا الـ9 نقط مهمين جداً، بس أهم اتنين -مش من الناحية الطبية- من الناحية العملية هو:

  • انخفاض ضغط الدم: من الناحية الطبية البحتة انخفاض الدم الدائم و المستمر على فترات طويلة هيكون سبب من غير شك في ازمات قلبية و انسداد الأوعية

  • بس ده هيحصل على مدار الوقت لو الرجيم الكميائي اتعمل أكتر من مرة و خاصةً لو لفترات طويلة.

بس انخفاض ضغط الدم على المدار القصير بيسبب ايه بقى؟، ضعف علطول و قلة نشاط و احساس بالإرهاق، يعني بتفقدي قدرتك الطبيعية اليومية و انتاجيتك بتقل جداً،

في وسط ما انتي بتخسي هتقصري في شغلك أو في بيتك. بس كله يهون قدام 10 كيلو في اسبوع و ممكن تعرفي من هنا كل جاجة عن ضغط الدم  وازاي تتعاملي معاه

  • صعوبة التخلص من الوزن في المستقبل: اهي دي المصيبة! يعني هتنزلي 10 كيلو بسرعة و هترجعيهم 20 كيلو!! و ياريت هَتِرجعيهم و بس، لا انتي هتخسي الـ20 كيلو بسرعة السلحفة

و طبعا البديل هيكون هنا ايه عشان ننزل تاني بسرعة هو اننا نعمل رجيم كميائي تاني و ثالث و دة اللي هيدخلنا في دوامة الأمراض اللي فوق اللي احنا اكيد في غنى عنها ،

خد بالك لو أنتَ واحد من الـ 6 دول ، يبقا مينفعش تعمل الرجيم الكيميائى غير بإستشارة الطبيب لأنه فى الحالة دى الرجيم الكيميائى هيكون خطر عليك :

1– الحوامل. ( ممكن تعرفى من هنا الاكل الصحي للحوامل )

2– المرضعات.

3– المصابون بالامراض المزمنة مثل السكري وامراض القلب والشرايين.

4– الاطفال.

5– كبار السن.

6– ذوو المناعة المنخفضة بشكل عام

هل ممكن يكون في رجيم كميائي صحى ؟ او رجيم كيميائى سريع لفقدان الوزن ؟؟

ممكن في حالتين:

الحالة الأولى “صحي في حالة واحدة انك قدرت تتحكم في نفسك”:

و هي ان الرجيم يتعمل لمدة اسبوعين و يتعمل وراه علطول نظام غذائي صحي جداً،

و هنا بنقلل الضرر الي اقصى درجة و ده اللي بيتبعوه أغلب الدكاترة،

رغم انهم عارفين تأثيره على الجسم على المدى الطويل،

لكنهم بيلجئوا ليه في حالة ثبات الوزن رغم الرجيم الصحي (اللي هو بيعتمد على سعرات قليلة بس خسارة الوزن بتاخد وقت)

الحالة التانية “في حالات شديدة الحرج”:

بعض الناس عندها السمنة المفرطة و بيكون الرجيم مش اختيار و الإختيار الوحيد هو العملية الجراحية و بيكون فيها خطورة شديدة و احتمالية الموت،

عشان كدة بيلجئ فيها الدكتور للرجيم الكميائي لأن هنا هتكون مخاطره اقل بكثير.

تجارب الرجيم الكيميائي :

في شهادات من ناس عملت رجيم كميائي و اكدت انه مأذهاش بأي طريقة و بالعكس كان مفيد جداً. وممكن تقرأي واحدة من التجارب  دي من هنا  ، طيب دة ليه بقى؟

.. تعالوا نشوف ايه العلاج الحقيقي للتُخن

أكيد مش الحل انك تبطلي تجوعي  و يتخلق عندك حالة من الملل تجاه الأكل بمعني تاني عدم اشتهاء الأكل؟

في الحقيقة الرجيم الكميائي ممكن فعلاً يعمل كدة لأنك لما بتاكلي نوع واحد من الأكل بيحصل ما يسمى بتسمم الجهاز العصبي المركزي،

و بيكون نتيجة لان الجسم بياكل نوع واحد من الأكل فبيبدأ يفقد الشهية و كميات الأكل تقل،

يعني بدل ما هتاكل 10 تفاحات في اليوم مع الوقت هتاكل 5 تفاحات و كل دة طبعا تقليل للسعرات.

الغريب ان عدم اشتهاء الأكل دة بيكون لفترات طويلة و دة بيسحر الناس ان الريجيم الكميائي ساعدها جداً،

رغم ان بعد المدة دي هيرجع يشتهي الأكل اكتر من الأول و وزنه هيزيد بسرعة البرق و هينزل بسرعة السلحفاة

و فى رجالة و ستات كتير ، شباب و بنات عندهم سمنة مفرططة و زيادة فى الوزن غير مرغوب فيها بشكل تام ،

خصوصاً لما يكون عندهم دهون متراكمة بشكل كبير وواضح فى الأرداف و البطن ،

فـ بيضطرو يلجأو للرجيم الكيميائى على أنه هيكون أسرع حاجة توصلهم لأنهم يفقدو الوزن

الحل؟ انك تعملي  رجيم كميائي صحي جداً

احنا هنسمي الرجيم دة كميائي عشان فيه ميزة انهُ بينزل الوزن بسرعة البرق لكن مش مضر زي الريجيم الكميائي اللي اتكلمنا عليه فوق، رجيم دكتور جويل فورمان

و دكتور أوز من الدكاترة اللي اكدوا انه رجيم صحي

الرجيم الكيميائى الصحيح :

هو بيعتمد على 3 خطوات و ده يعتبر افضل رجيم كيميائى :

1-نظام الـ90% :10 % الغذائي

النظام ده بيعتمد على انك تاكل اكل 90% أكل غني بالمغذيات، و الـ10% التانية تقدر تستخدم لحمة و زيت صحي و منتجات البان

  • الفطار: فاكهة و شوفان و بذور الكتان ، في الفطار الزبادي من الممنوعات و العنصر الغذائي المهم فيه هو الكالسيوم

  • و تقدروا تستبدلوا الزبادي بالبرتقال لأن فيه 60 ميليجرام كالسيوم.

_

 

فطار الرجيم الكيميائي

 

_

 

  1. الغداء: يكون متكون من الفاصوليا،

    الفاصوليا غنية بالـ resistant starch و دة معناه ان الكالوريز  نصها مش بيمتصوا الجسم و دة بيحسن الـfatty acid butyrate و دة اللي بيساعد على حرق الدهون بشكل اسرع.

و دي وصفات تقدري تعمليها بالفصوليا:

غداء الرجيم الكيميائي

_

العشاء: هيعتمد على السلطة بس دكتور جويل فكر في السلطة بعيداً عن الطريقة التقليدية زي:

 ملفوف الباذنجان و بيتزا الخضروات و الخضار المتشوح.

عشاء الرجيم الكيميائي

 

2- السلاح السري ” لـ الرجيم الكيميائى الفعال ” :

بيعتمد السلاح السري على 3 أنواع خضار و بيسميها BOM  هي التوت و المشروم و البصل و بيتسموا أكلات مضادة الأوعية الدموية،

 و دة لأنهم بيشتغلوا على انهم بيمنعوا الدم من أنه يوصل لخلايا الدهون و دة بيساعدك على انك تخس.

3- الديتوكس:

عصير بيتكون من الرمان و الفراولة و الليمون و تقدروا تشوفوا طريقة العمايل من هنا Skinny Shake

بكدة تكونوا قدرتوا تبعدوا عن الرجيم الكيميائي و عملتوا رجيم صحي و ممكن يكون نهج حياتك بعد كدة

، أهم حاجة في صحتنا ناخد بالنا و مانبصش تحت رجلينا عشان على قد ما الشكل الخارجي مهم جدا و حلو انك تخسي بسرعة بس الصحة اهم من دة كله.

طبعاً من الحاجات الأساسية اللى لازم تعملها إثناء الريجيم بتاعك ” سواء سمنة او نحافة ” كيميائى او مش كيميائى 😀

1- أنك تشرب ماية كتير

2- تمارس ا لرياضة بمدة لا تقل عن نصف ساعة فى اليوم

و فى الأخر لازم تكون عارف أن أى رجيم فى الدنيا سواء ” للسمنة او النحافة ” لازم يكون معتمد على التوازن فى كل المجموعات و العناصر الغذائية ،

يعنى متاكلش كل الحاجات المفيدة لجسمك فى وجبة واحدة،

 لازم تكون متقسمة على مدار الوجبات اليومية بتاعتك و بسعرات حرارية مناسبة لكل شخص   

وحطي دايماً في بالك ان في الاصل الدايت مش عشان تخسي، الدايت عشان تعيشي حياة صحية افضل 🙂

دلوقتى أحكيلنا تجربتك مع الريجيم الكيميائى ، و هل أنتِ دلوقت شايفة الريجيم كيميائى فعال ولا لاء ^_^ ؟؟

____________________

مقالات ممكن تعجبك :

افضل ادوية التخسيس ( خدعة هتدمر صحتك )

تعرفي علي حقيقة رجيم الماء السريع بجيمع انواعه

الدايت “مش” عشان تخس 

 

شاركنا

عن الكاتب :

أحنا عملنا شِفاخانة عشان نخليك تعمل العادات الغلط بأكتر طريقة صحية او مع الوقت تغيرها خالص ونزود

شارك بتعليقك