القطة مش بنتك ! - شِفاخانة

بيوت كتير بقي فيها قطط ، وبيتعاملوا معاها علي أساس انها بنتهم، يعني بيأكلوها معاهم، وبينيّموها علي سريرهم ..

ورغم ان القطط يتاكل و تنكر 😀 ، بس أكتر الناس بيحبوا يربوها في بيتهم

و كل شئ لو زاد عن حده بيتقلب ضده :\

القطط  ممكن تأذيكي ازاي :

معظم الناس عارفين ان القطط بتأثر علي الحوامل، زي مثلا انه يحصل تشوه للجنين بسببه أو إجهاض، بس مش واخدين بالهم ان في أمراض كتيرممكن تيجي لهم بسبب القطط

زي مثلا ..

الأمراض الفطرية :

حوالي 40٪من القطط عندها المرض دا، وهو أشهر مرض ممكن ينتقل للانسان وبيظهر علي جلد الانسان في شكل حلقات حمرا بتسبب الهرش وبتكبر الحلقات دي تدريجيا .

إلتهاب العين :

ودا بيسبب احمرار العين

التهاب اللوز :

في قطط بتحمل الميكروب السبحي ودا بيسبب  الالتهابات دي .

النزلات المعوية :

وفي  قطط حاملة  لميكروبات لو اتنقلت للانسان هتسببله اسهال والقيء  .

عضة القطة :

أكثر من 75٪ من القطط بتحمل في بُقها ميكروب الباسيتوريللا اللي ممكن اوي يسبب نوع من ارتفاع في درحة الحرارة  بعد العضة .

 عشان كده لو القطة من الشارع او قطة بيتي عضتك، عضة جامدة أو شديده لازم تروح علي طول للدكتور عشان يتعامل بسرعه مع الجرح و يعمل اللازم عشان نبعد عن المشاكل اللي ممكن تحصل من العضة دي .

 خدشة القطة :

في بكتيريا بتيجي للقطط عن طريق البراغيث ولو كان عند القطة الميكروب ده و خدشتك بتتنقل العدوى ليك،  وأعراض المرض في الانسان بتظهر في صورة  تضخم الغدد اللمفاويه.

 دي أشهر أمراض اللي ممكن تجيلنا واحنا مش واخدين بالنا انها بتحصلنا و مبنفكرش اوي في السبب

بس راجع كده اللي بيحصلك واتاكد اذا كان بيحصل معاك ولا لأ  

طيب احنا ازاي ممكن نتفادي اللي يحصل معانا دا :

  •  اغسل ايدك كويس بعد ما تلمس القطة.
  • متسمحش للقطة انها تدخل كل الأوّض اللي في البيت .
  • ما تخلهاش تنام علي سريرك  أو المكان اللي بتقعد فيه، خصوصا لو شاكك انه تعبان.
  • متخلهاش تحط بُقها في الأكل والشرب بتاعك  
  • ألبس جوانتيات وانت بتنضف مكان القطة
  • ابعد القطة عن أماكن اللي بتحضر فيها الاكل ومتحطهاش علي ترابيزة المطبخ او السفره , واغسل ايدك كويس قبل ما تبدا في تحضير الاكل

 

الخلاصة :: اتعاملي مع القطط زي ما أنتي عايزة بس خدي بالك ان الحيوان الأليف دا انتي متعرفيش عنه كل حاجه انه ممكن يضرك، و لو انتي بتحبيهم قضي معاهم طول اليوم بس وقت الاكل والنوم مينفعش يكونوا معاكي فيه، ولو كان بيحصلك اعراض من اللي قلناها فوق ابدئي خدي العلاج الصح .

 القطة بتاعتك اسمها إيه 😀 ؟

 

شاركنا

عن الكاتب :

أحنا عملنا شِفاخانة عشان نخليك تعمل العادات الغلط بأكتر طريقة صحية او مع الوقت تغيرها خالص ونزود

شارك بتعليقك