أهم 9 تحاليل دورية لمرض السكر - شِفاخانة

السكرمن الأمراض المزمنة اللي بتخلى الواحد ينظم في حياته حاجات كتير سواء اكل او حركة او انشطة معينة اتعود يعملها، طول ما السكر مظبوط منقدرش نعتبره مرض .. لكن اول ما يعلى او يبقى ملخبط باستمرا ساعتها يجي القلق، و عشان تتعود انك متكونش قلقان على السكر في الدم لازم تعمل تحليل مرض السكر الازمة والدورية عشان تطمن على نفسك باستمرار.

هما 9 تحليلات بالظبط ، معظمهم سنويا، او كل 6 شهور ماعدا رقم 3 😉

انفوجرافيك : التحاليل الدورية لمرض السكر

 

1- قياس سكر بجهاز السكر العادي

الطبيعي ان كل مريض سكر بيكون عنده جهاز قياس السكر المنزلي او بينزل يقيس السكر في الصيدلية،  يعني مش هيبقي مجهود عليه انه يقيس السكر كل يوم ..

الفكرة بقي انك مش المفروض تقيس السكر كل يوم اصلا، المفروض انك بـتقيس السكر عند اي تغيير .

مبدأيا كده بالنسبة لانك لسه مكتشف مرض السكر مؤخرا، فانت هتقيسه اكتر من مرة في اليوم .. مؤقتا لحد ما تظبط حياتك، المفروض تقيسه قبل الأكل، و بعد الأكل ، قبل و بعد الرياضة، قبل النوم .. عشان تتأكد انك بتاخد الجرعة المظبوطة من الدوا بتاعك، لان الخمس مواقف اللي قلنا علهم دول يا اما بيساعدو على بيزودو السكر في الجسم، يا اما بيقل بسببهم السكر في الجسم، و جرعة الدوا  مبتقاش دقيقة 100% الا بالتجربة.

الموقف السادس اللي هتقيس فيه السكر باستمرار، لما الدكتور يغيرلك نوع الدوا اللي بتاخده، لان ساعتها انت تاني مش عارف رد فعل جسمك فهتحتاج تقيسه كذا مرة في اليوم.

لو طبيعي بقي انت ماشي مظبوط و عارف دواك مظبوط و نتيجته انه ظابط السكر عندك، يبقي هتقيس السكر مرة او مرتين كل اسبوع مش اكتر.

2- تحليل السكر التراكمي A1c 

السكر التراكمي ده بيقيس نسبة السكر في الدم لمدة اخر 3 شهور، فالمفروض انه يتعمل كل 3 او 6 شهور، غالبا الدكتور يبقفشك لو انت من الناس اللي بتبوظ السكر طول الاسبوع و تظبطه يوم واحد و ترجع تبوظ الدنيا تاني

3- قياس الضغط

السكر و الضغط مرضين متلازمين عند نسبة كبيرة من الناس، بس ده طبعا مش شرط، او على الأقل الهدف من القياس الدوري للضغط عند مرضى السكر ان نسبة الناس اللي بيجيلها ضغط بعد السكر تقل.

ده هتقيسه في كل مرة هتقيس السكر فيها.

4- فحص النظر

فحص النظر لازم يكون سنوي ، الكشف السنوي بيخلي لو حصل اي مشاكل في العين يمكن علاجها بسهولة، طبعا لو حسيت في النص باي احساس مؤلم في العين، زغللة، ضغط، وجع لازم تتأكد ان سكرك مظبوط و ترجع لدكتور عيون فورا.

مش محتاجن نقول ان طول ما انت محافظ على السكر في الدم مظبوط انت في السليم.

5- تحليل وظائف الكلى

ده تحليل سنوي بيكون تحليل دم او تحليل بول، للتأكد ان الكلى الحمد لله سليمة ، و وظائف الكلى بتتأثر بعلو السكر في الدم ، لان السكر بيأثر على الأوعية الدموية اللي في المقابل هتأثر على الكلى. و بتزيد نسبتها لو مرض الضغط مرتبط بمرض السكر، و طبعا طول ما الاتنين مظبوطين مفيش اي مشاكل منها.

6- تحليل مستوي الدهون في الدم

الناس بتسميه للتسهيل تحليل الكوليسترول، ده بيتعمل مرة كل سنة على الأقل، او لو الدكتور طلبها لاي سبب، هتلاقي الكوليسترول عندك مظبوط طول ما انت ظابط الضغط و ظايط اكلك يبقي صحي، مش هتقلق منه ساعتها.

7- كشف عن صحة القدم

ده برده بيتعمل مرة كل سنة مع التحاليل التانية، الكشف بتاعه عبارة ان الدكتور بيكشف على القدم كويس جدا و يتأكد ان مفيش فيها اي اصابة جرح او التهاب او مشكلة في حركتها، و بعدين يبدأ يضغط على اجزاء منها و انت مغمض عينك عشان يتأكد ان الاعصاب الحمد لله كويسة.

بس الطبيعي و انت في البيت انك تتأكد من نضافة رجليك كويس اوي، و انها تكون ناشفة كويس اوي، و متطنش اي جرح و لو بسيط فيها.

8- تحليل الغدة الدرقية

مريض السكر احتمال انه يصاب بمرض في الغدة الدرقية ، الطبيعي ان 6% من الناس معرض للاصابة في مرض في نشاط الغدة الدرقية، لكن في حالات مرضى السكر فـ10% من مرضى السكر معرضين للاصابة، اه يزيد نشا الغدة أو يقل.

في نوعين من مرض السكر

نوع 1: ده اكثر عرضة انهم يصابو، فالمفروض انه يعملو تحليل كل سنة

نوع 2: لانهم اقل عرضة للاصابة، فبيحللو اول ما بيكتشفو ان عندهم سكر و بعدين كل خمس سنين

9- كشف الأسنان

المفروض انك تروح لدكتور السنان مرتين في السنة، يعني كل 6 شهور، مجرد انه يتأكد ان سنانك سليمة مفيش مشاكل.

طب المشاكل ممكن تيجي منين:

  • انك ريقك يكون بيجف علطول، و ده ممكن يسبب اصابة في الفم، فلو ده حصل المفروض بتاخد مضمضة الدكتور يكون قايلك عليها

لو السكر بتاعك علطل مش مظبوط فده عرضة لان يطلع قرح في الفم كتيرة، او ممكن تطلع بسبب انك بتاخد مضاد حيوي ، فالحالتين علاج القرح دي لا يستهان به، المفرض تهتم بيها

و ده ببساطة عشان ميحصلش، اغسل سنانك باستمرار، المضمضة مهمة، طبعا بعد ما تظبط سكرك

10- تطعيم الانفلونزا

مريض السكر طول ما سكره مش مظبوط مناعته بتكون قليلة، فللإحتياط لازم تاخد تطعيم الانفلونزا اول كل شتا، هو التطعيم ده مش بيمنع الانفلونزا تماما، لكن على الاقل بيقلل نسبة الاصابة بيها.

دلوقتي و انت قاعد احسب مواعيد كل تحليل من دول هيكون امتي ، وسجل التواريخ دي عندك على الموبايل عشان متنساش كشوفاتك الدورية.

حجات ممكن تهمك : 

كل ما تحتاج معرفته عن مرض الضفط

شاركنا

عن الكاتب :

أحنا عملنا شِفاخانة عشان نخليك تعمل العادات الغلط بأكتر طريقة صحية او مع الوقت تغيرها خالص ونزود

شارك بتعليقك