دليل رجيم الماء فقط الكامل - هل رجيم الماء صحي؟ | شِفاخانة

لو دخلت على المقالة دى دلوقتى، يبقي أنتَ بتعانى من مشكلة الوزن الزايد و عاوز تخس مش أقل من 10 كيلو فى الشهر و أكيد سمعت عن نظام رجيم الماء  و أنه من أسرع الطرق لإنقاص الوزن الزائد فى الجسم. و فى الحالة دى بقا أنت محتاج تعرف كل حاجة بالتفصيل عنه  😉

عشان كدة فى المقالة دى هنكلمك عن كل شئ يخص رجيم الماء السريع

  • ما هو رجيم الماء ؟
  • كيفية عمل رجيم الماء
  • هل رجيم الماء صحى ؟
  • مميزات رجيم الماء
  • أنواع رجيم الماء
  • رجيم الماء مع الاكل

و أنت بتقرأ المقالة دى هات أزازة ماية أشربها و أنتَ بتقرأ 😀

ما هو رجيم الماء ؟

الرجيم المائي زى أى رجيم بتسمع عنه للتخسيس ، الفرق بس أنه بيعتمد بشكل أساسى على شرب الماء بكميات كبيرة لإنقاص الوزن  و ده بيسموه رجيم الماء فقط  ،

فى النظام ده بتاكل و بتشرب عادى لكن الشيئ الثابت فى يومك هو شرب الماء بكميات كبيرة

كيفية عمل رجيم الماء ؟

بيستخدم نظام الرجيم المائى لأنه بيعتمد على عدم إحتواءه على أى سعرات حرارية و بالتالى لما بتشرب مياه كتير ده بيعمل على إذابة الدهون و طردها من الجسم و بالتالى ده بيؤدى إلى إنقاص الوزن بسرعة

ده على عكس الوجبات السريعة الخفيفة اللى بتحتوى على سرعات حرارية عالية !

و اللى بيحصل أن عند إمتلاء المعدة بالماء ، ده بيوصلك لأحساس الشبع و إنك مش عاوز تاكل

و ده بيخلى عندك قلة شهية للطعام ” لو أنت من النوع اللى بياكل كتير جداً ”

و بالشكل ده بيعمل على إنقاص الوزن من 4 لـ 7 كيلو فى الأسبوع و عشان كده بيقولو عليه رجيم الماء السريع 😉

و نسبة الأوكسجين فى الدم بتزيد لما الجسم بيكون مرتوى كويس بالمياه ،

و الأوكسجين عنصر رئيسى لحرق الدهون الموجودة فى الجسم ، و عشان كده حرق الدهون بيقل عندما يجف الجسم

طب و هو ياترى شرب الماء بكميات كبيرة هيكون مُضّر للجسم ؟

هل رجيم الماء صحى ؟؟

الاجابة أنه صحى و غير مُضّر تماما للجسم ده بشرط أنك تستخدمه بشكل ميضرّكش حسب كلام الطبيب اللى بتتابع معاه

الماء هو عنصر ضروري لعملية الهضم و نقل البروتين و الكاربوهيدرات الى الدم و تمثيلهم غذائيا، و كمان الماء بيعمل على نقل النفايات و السموم إلى خارج الجسم

لازم تكون عارف أن الماء بيشكّل نسبة كبيرة جداً من الجسم بتاعنا ،

ممكن نقعد أسبوع بحاله من غير أكل ، بس مينفعش نقعد من غير الماء لأن ببساطة الماء بيكون 65% من جسم الإنسان !!

و يشكل 85% من وزن المخ  و 80% من الدم و 70% من العضلات

و لو نقص بس 2% من كمية الماء المطلوبة لجسم الإنسان ،

وقتها بنحس بصداع و دوخة و صعوبة فى التركيز و لو بتشتغل/ى على كمبيوتر هتلاقى صعوبة فى انك تبص/ى فيه كتير

هنقولك دلوقتى على مميزات شرب الماء بكميات كبيرة  

مميزات رجيم الماء

مميزات رجيم الماء

1- التخلص من الصداع

2- رجيم الماء يعمل على إذابة الدهون الموجودة داخل الجسم وبالتالى

3- رجيم الماء لا يقوم على أى حرمان من الاكل ، بتاكل/ى براحتك بس بتشرب/ى ماية كتيرة و بنظام معين

4- الرجيم المائى ليس له إى أثار جانبية

5- رجيم الماء مش هيكلفك فلوس و تشترى أدوية ، لأنه بيعتمد على شرب الماء بكميات كبيرة فقط !

6- رجيم الماء لا يعتمد على أى مواد كيميائية ” يعنى هتخس بشكل طبيعى 100% ”

7- نضارة البشرة و حيويتها رغم أنه رجيم مائى ، لكن شرب الماية كتير بيخلى البشرة تتمتع بالحيوية

8- التخلص من السموم الموجودة فى الجسم

9-رجيم الماء يعمل على جعل الإنتفاخات توجد بشكل أقل و ده بسبب دخول الحمام بإستمرار

10-فى ناس بيبقا عندها دايما وجع فى الجناب من تحت و ده بيكون بأسباب كتير منه نقص الماء من الجسم

و لو بتعمل الرجيم المائى ، ف شرب الماء بكميات كبيرة هيخليك تتخلص من الوجع ده !

انواع الرجيم المائي :

1-رجيم الماء مع الاكل

فى النظام دا بتاكل كل اللى أنتً عاوزه بس بكميات قليلة ، و بتشرب قبل الاكل بنص ساعة من كوبايتين لـ 3 كوبايات مياه

,,لازم تشرب قبل الاكل بنص ساعة

1-مثلا لو أكلت شيكولاته مكونة من 3 قطع ، تشرب قبل ما تاكلها بنص ساعة كوباية ماية كبيرة

2-لو هتاكل ساندوتش ، يبقا تشرب قبل الاكل بنصف ساعة 4 كوبايات مياه

3-أما المياه الغازية ، فـ دى بقا تشرب قبلها بنص ساعة نص لتر مياه

4-حبيت تاكل بيتزا 😀 3 قطع مثلا ، يبقا هتشرب 3 كوبايات مياه قبل الاكل بنصف ساعة وهكذا كل ما تكتر عدد قطع البيتزا

5-السلطة بالمايوتنيز و سلطة الكولسلو دى يتشربلها كوبايتين مياه

6-لو هتاكل اى حاجة فى طبق متوسط مهما كانت ايه هيا الحاجة دى ، تشربلها قبل الاكل بنصف ساعة 4 أكواب مياه

متقلقش من شرب كمية المياه دى كلها 😀 ،

الموضوع سهل و بسيط بس محتاج أنك تتعود عليه مش أكتر  😉 ، و دايماً فكّر نفسك بأهمية المياه و مميزات النظام دا نفسه

هل رجيم الماء مع الاكل له أضرار ؟

الإجابة لاء ، لأنه بيخليك تاكل كل اللى انتا عاوزه و بتاخد كل العناصر الغذائية اللى جسمك محتاجها عكس الأنظمة اللى هنشرحهالك فى النقط اللى جايه

بس فى كام حاجة لازم تحطها  فى دماغك و انت بتعمل رجيم الماء مع الاكل

مع أول أحساس بالشبع لازم تبطل أكل ، يعنى متقولش حرام لازم أكمل الطبق للأخر 😀 ، ممكن تشيله فى التلاجة و تسخنه و تاكله بعدين أو لو عندك قطة أو كلب تديهم الاكل

الرجيم ده بيخسس من 4 كيلو لـ 7 كيلو فى إسبوعين

2-رجيم الماء فقط بدون أكل لخسارة الوزن !

 

و النوع ده من رجيم الماء بيعتمد على شرب الماء فقط من غير ما تاكل أى حاجة لمدة 5 أيام و اليوم السادس بتاخده فرى ( بتاكل و تشرب اللى أنتا عاوزه )

و فى خلال الـ 5 أيام من الرجيم المائي بتاكل حاجات بسيطة جداً زى الخس و الخصار السوتيه و نوع واحد من الفاكهة ، تشرب لبن

النوع دا أحياناً بيقولو عليه رجيم الماء البارد  

أضرار رجيم الماء فقط بدون أكل لخسارة الوزن !!

فى الحالة دى أنتً بتحرم جسمك من أهم العناصر اللى هو محتاجها فى سبيل أنك تخس من 5 لـ 7 كيلو أسبوعياً ، هتقولى مش مشكلة و المهم أنى أخس و خلاص ،

النظام ده شديد الفقر فى كل العناصر الغذائية و الفيتامينات  اللى جسمك محتاجها لأنك بتقعد5 أيام من غير أى نوع من البروتينات و الدهون  و عشان صحتك تكون كويسة

و ممكن فى اليوم السادس (الفرى) أنك تاكل بشراهه كبيرة و كميات ضخمة من الاكل فجسمك يكتسب كمية أكبر من الدهون

3- رجيم الماء مع الليمون :

الرجيم ده عامل زى اللى بتاخده فى عيادات التخسيس ،

الدكتور بيكتبلك حاجات معينة بتاكلها و الأساسى فيها أنك قبل الاكل بتغلى ماء مع قشر الليمون و خلطه مع عصير الليمون و بتشرب المحلول ده قبل كل وجبة

أما عن الاكل اللى بتاكله بالظبط فى كل وجبة ده بقا الدكتور بيقولك عليه حسب كل حالة 😉

أضرار رجيم الماء مع الليمون :

النوع ده شبه نوع رجيم الماء فقط بدون أكل  و عنده نفسه الأضرار و النتائج السلبية

( رجيم تقليدى يفتقر لكثير من الفيتامينات اللى الجسم محتاجها )

تحذيرات عن نظام الرجيم المائى :

1- لو  انتا بره البيت ، خد بالك متشربش مايه بكمية كبيرة إلا لو فى مكان لدخول الحمام لأن ده هيخليك عاوز تدخل الحمام كل شوية

2- أتأكد أن معندكش إصابات أو أمراض معينة تمنعك من شرب الماء بكمية كبيرة فى اليوم

3- و أنتا بتشرب الماء بكمية كبيرة فى يومك

4-شربك للمياه فقط من غير وجود أى عناصر غذائية تانية و فيتامينات ، هيؤدى إلى الشعور بالإرهاق و التعب

نصائح تخص رجيم الماء :

1- إستبدل المشروبات الغازية بشرب المياه لأن المشروبات الغازية تحتوى على سعرات حرارية عالية

2- تقليل نسبة تناول الملح يساعد نجاح رجيم الماء ، لأن الأملاح اللى بناكلها زى المخللات ، بيساعد الجسم على الإحتفاظ بالمياه مما يجعله لا يفقد الوزن

3- على أد ما تقدر ، حافظ على تناولك للفاكهه و الخضراوات الغنية بالمياه زى البطيخ و الخس

4- أوقات كتير بنحس أننا جعانين ، بس بنطلع مش جعانين أو مش جعانين أوى 😀 ،

فـ حافظ على شربك للمياه بصفة مستمرة لأنه هيخليك تتجاوز نوبات الجوع المزيفة

5- أنك تمارس الرياضة سواء بتعمل رجيم مائى او مبتعملش رجيم أصلاً ، بيساعدك على أنك تحافظ على صحتك بشكل مستمر

و لو حتى جربت تمشى كل يوم لمدة نصف ساعة فـ ده هيخليك تحرق الدهونو تتخلض من الترهلات بسرعة أكبر ،

و كمان هتحس بالطاقة الإيجابية و الإنتعاش ^_^

و فى النهاية لازم تكون عارف ان أى نظام فى الدنيا ينفع رجيم ،

بشرط أنك تبقا عارف جسمك محتاج أيه بالظبط و جسمك عنده زيادة فى أيه و تبدأ تنقص منه ، و طبعاً الإستمرارية هيا أهم حاجة 😉 ، يعنى لو جيت فى النص و وقفت مترجعش تندم و تقول أنا مش بخس ليه 😀

دلوقتى أحكيلنا عن تجربتك مع الرجيم المائى 😉 ؟

مقالات تهمك :

الدايت “مش” عشان تخس

كل ما تحتاجين معرفته عن الرجيم الكيميائي

افضل ادوية التخسيس ( خدعة هتدمر صحتك )

شاركنا

عن الكاتب :

شارك بتعليقك