مشاكل البشرة

حبوب البشرة و الحساسية والرؤس السودا البهدلة اللي بنعاني منها ، كل دي حاجات بتضايقنا على طول و مش بنبقى فاهمين ليها سبب مُعين ولا علاج جذري ، و عُمر ما حد ريحنا و فهمنا كل ده بيجلنا ليه؟! 

وايه اللي نعمله عشان العنايه بالبشره الدهنيه وتجنب حدوث كل المشاكل اللي بتواجهنا

قبل أي حاجة خلينا نعرف الجلد ده ايه ، طبعاً انت شايف ان تكوين الجلد مايهمّكش في حاجة و مفيش داعي انك تعرفه.

بس الكلام ده محتاج تعرفُه لـ3 أسباب :-

1- تبقى فاهم كلام الدكتور اللي هتروحله ن مش تنفض و خلاص.

2-في حاجات لما تعرفها هتلاقي نفسك مش مضطر تروح لدكتور وتقدر تعالجها بنفسك .

3-لو انتى أم أو مسئول عن حد عامة مهم انك تبقى عارف علشان تاخد بالك من اللى انت مسئول عنهُ .

معظمنا عارف أن الجلد هي الطبقة اللي بتحمي الجسم من الآخطار المادية اللي ممكن يتعرضلها.

و لو ماتعرفش تكوينها فهي متكونة من 3 طبقات :- البشرة و الهايبوديرميس و ما بينهم طبقة اسمها الأدمة ، و ان  طولها عشرين قدَم تقريباً  .

أول طبقة:- البشرة (Epidermis)

و دي متكونة من كذا طبقة ، تقدر تعتبرها السقف اللي بيحمي جسمَك من كل حاجة.

هي عبارة عن خلايا ميتة مش بتوصّل الألم لجسمك بسرعة. طبقة البشرة دى فيها حاجتين :-

(كيرياتين) و ده مسئول عن الترطيب.

(ميلانوسايتس) و ده مسئول عن افراز المادة اللي بتحدد لون بشرتَك اللى هى الميلانين ، و دى فى آخر طبقة من البشرة الل

تاني طبقة:- الآدمة (Dermis)

هى الطبقة اللى فى النص ما بين طبقة البشرة اللي بتتعرض للهوا و الهيبوديرميس اللي قريبة من عضم الجسم. و دي اللي فيها اطراف الاعصاب اللي بتوصلَك الاحساس و في نفس الوقت النسيج اللي بيربط بين البشرة و الطبقة الأخيرة اللي هي….

تالت طبقة “هايبوديرميس” (Hypodermis)

الطبقة دي هي اللي بتوصل الجلد بالعضم و العضلات ، و هي اللي فيها أصول الأعصاب و الاوعية الدموية و هي كمان اللي بتوصلهُم للأدمة.

الهايبوديرميس تُعتبر بطانة الجسم ، ده غير ان فيها %50 من الدهون اللي في الجسم كلُه.

كل ده كلام جميل ، بس أنا ايه اللي بيتعبني؟ ايه اللي مبهدِل بشرتي بالطريقة دي؟؟؟؟

بُص ، أمراض الجلد يُعتبروا أكتر من 3000 مرض جلدي بس الأسباب الأساسية اللي بتجيب أمراض هما دول:-

** الحساسية زى مواد طبية او اكلة مُعينة مثلاً الفراولة و المانجا أو لما بتتعرض لشعر حيوانات ، الحاجات اللي في بعض الناس بيجيلها حساسية منها.

**الجينات و دي بتبقى وراثية.

**أمراض مناعية الامراض دي بتحصل لما الجهاز المناعي يفقد قدرة التعرُف على خلايا الجسم فيفتكرها خلايا غريبة و بالتالي يبتدي يهاجم خلايا الجسم السليمة.

** عوامل خارجية زي الشمس و الحشرات و انواع زرع مُعينة.

**أمراض عضوية و دي عبارة عن امراض معينة في اعضاء الجسم نفسُه بس يبقى ليها تأثير عالجلد.

دلوقتي بقى نتكلم عن أكتر مشاكل البشره الدهنيه و المنتشرة و ناس كتير بتعاني منها زى وهو حب الشباب   :

  • حَب الشباب (Acne)

أسطورة حَب الشباب بتبتدي مع بلوغ الشخص. الجسم عامةً مع البلوغ بيبتدي يفرز هرمون اسمه “تستوستيرون” بنسبة مُعينة على حسب طبيعة الجسم.

الناس اللي بيجلها حَب الشباب بقى جسمهُم فيه حاجتين:-

– أول حاجة أن الخلايا الدُهنية فى جسمُه عندها حساسية من هرمون التستوستيرون ده فبتبتدى تفرز الدهون و الزيوت بزيادة.

-تاني حاجة أن الخلايا الميتة اللى فى جلدهُم مش بتقع بسرعة و ده بيكون سبب في سد بُصيلات الشعر و مِسام البشرة.

في 3 انواع لحًب الشباب و هما الرؤوس السودة و الرؤوس البيضا و البثور و ده الحبوب اللي بتطلعلنا.

الحاجتين اللي فوق دول بقى هما السبب فى ظهور الرؤوس السودة و البيضا اما البثور فليه قصة تانية.

  • البثور _اللي احنا بنقول عليها حبوب =D _”

الجلد في العموم دايماً عليه بكتيريا اسمها “حب الشباب” مش بتأثر على الجسم بأي صورة الا لو ظهرت رؤوس سودة او رؤوس بيضا.

اللي بيحصل ان البكتيريا دي ساعتها بتتفاعل مع الدهون و بتسد البوصيلات و المسام فتعمل الالتهابات اللي بتاعني منها دي.،

حَب الشباب مالوش علاج من جذوره لإن دي طبيعة جسم ، فلو حد قالك هيعالِجلَك حب الشباب و مش هتطلعلَك تاني ابداَ ، ماتصدقش. بمعنى ان فيه treatment بس مفيش cure.

علاج حَب الشباب بيبقى على حسب حالتَك فأي دوا هتاخدُه استشير دكتور شاطر و اقراً دايماً كُل حاجة مكتوبة عالدوا اللي هتاخدُه و خُد بالك ده علاج مش cure فلو ماوظبتش عليه حَب الشباب هيرجعلُك تاني.

العنايه بالبشره الدهنيه :

الحاجات اللي هنقولك عليها دلوقتي لو اخدتي بالك منها هتساعدك في تقليل مشاكل البشره الدهنيه :

1-متكتريش في غسيل البشرة الدهنية

لو استخدمتي مرطبات وغسول للتخلص من الزيوت الدهنيه في البشره واصبحت جافه دا هيؤدي لزياده افراز زيوت البشره عشان تعوض الفاقد من الزيو ودا هيؤثر عكسي علي البشره الدهنيه  ,

فاغسليها مش اكتر من مرتين بغسول للبشره الدهنيه مخصوص.

2- اغسلي وشك بمايه دافيه

الماء الدافئ كويس جدا عشان التخلص من زيوت البشرة الدهنيه الزايئدة.

بس خلوا بالكوا المياه تبقي دافيه مش سخنه عشان المياه السخنه ممكن تلهب الحبوب وتاثر بشكل عكسي علي البشره الدهنيه لحساسيتها

 

3- الوجبات السريعه بتزود مشاكل البشره الدهنيه :

الوجبات السريعه فيها نسبه عاليه من الدهون الغير صحيه والي هتاثر بشكل كبير علي بشرتك , لو فعلا عايزه تقللي من مشاكل البشره الدهنيه ابعدي عن الاكل السريع وبدليه بالخضراوات والفاكهه والاكل البيتي الصحي وهتلاحظي الفرق بسرعه

وفي حالات معينه ينصح بالبعد عن الالبان لوجود هرمونات بتساعد علي زياده دهون البشره الدهنيه  

4- الضغط النفسي والانفعال والنوم بدري :

الهدوء النفسي والنوم لفترات كويسه من ٦-٨ ساعات بتؤثر علي ظهور بشكل كبير وبتقلل مشاكل البشره الدهنيه

ايه اكتر مشكلة بتواجهيها مع بشرتِك الدهنيه ؟

شاركنا

عن الكاتب :

أحنا عملنا شِفاخانة عشان نخليك تعمل العادات الغلط بأكتر طريقة صحية او مع الوقت تغيرها خالص ونزود

شارك بتعليقك