فوائد الرضاعة الطبيعية

الرضاعة الطبيعية حاجة من ضمن حاجات كتيرة بتتعب الام بعد الولادة، اولا لانها فيها مجهود و تعود لحد ما هي و البيبي يفهموا بعض ^_^ و كمان لانها متعبة , لو خرجت او حاجة لازم تلاقي مكان مقفول ترضع فيه، ده غير انها مؤلمة عند بعض الامهات .. بس لما تعرفي الفوايد الصحية للرضاعة الطبيعية الحاجات اللي مضايقاكي دي مش هتحسي بيهى اوي جمب فوايدها.. و فوايدها عالناحتين للأم و الطفل .

فوائد الرضاعة الطبيعية للطفل:

1- الجهاز الهضمي

لبن الام بيفرز الكورتيزول و الانسولين و الاحماض الامينية و النورين و الجولتامين بتنظيم نمو و تطور الجهاز الهضمي للطفل .

2- يعتبر مضاد للالتهابات

فيه مركبات الاجسام المضادة IgG، IgA و بروتين Neuregulin-4 اللي بيحمي من مرض بيصيب الاطفال اسمه “ناخر الأمعاء” و المرض دة بيتسبب في موت 30% من المصابين بيه

3- بيزود المناعة و يحمي من العدوى التنفسية و المعوية

بروتين اللاكتوفين و الليزيمات و الاجسام المضادة sIgA و خلايا الدم البيضا اللي موجودة في اللبن الطبيعي بتقلل احتمالة اصابته بأمراض الجهاز التنفسي بنسبة 50% و اصابتهم بالالتهاب المعوي القولوني.

4- التهاب الأذن الوسطى

اللي بيشرب لبن طبيعي، بيكون احتمالية اصابته بالمرض دو 1.5 مرة اقل!

5- الأمراض المزمنة

دايما بيكونوا اقل عرضة للاصابة بأمراض السمنة، السرطان، القلب، و سكري الاطفال. طبعا في ناس كانت رضاعتها طبيعي و حصلها اصابة بالامراض دي بس مقاومته للمرض بتكون اقوى.

فوايده للأم:

1- التخسيس:

من 500 لـ750 سعرة حرارية بتتحرق يومياً بسبب الرضاعة

2- السرطان:

الرضاعة بتقلل من احتمالية اصابة الأم بسرطان المبيض و كمان سرطان الثدي

3- تنظيم الحمل:

رغم أن الرضاعة مش بتمنع الحمل نهائياً لكنها بتساعد على تنظيم الحمل عشان بتأخر فترة التبويض شوية.

4- تقليل التوتر:

وقت الرضاعة بترفز الأم هرمونات زي البرولاكتين والاوكسيتوسين و دول بيأثروا على الجهاز العصبى بتساعدهم يكونوا هاديين اكتر و متقبلين تحمل مسئولية البيبي الجديد.

5- فترة النقاهة:

هيرمون الاوكسيوسين بيساعد على تقلصات الرحم و انه يقلل الالم اللي بعد الولادة.

في اوقات بتضطر الام ترضع صناعي لكن في غير الاوقات دي خلي في الراعة الطبيعية افيدلك وافيد لطفلك ^_^

احكيلنا عن تجربتك مع الرضاعة الطبيعية ^_^

شاركنا

عن الكاتب :

أحنا عملنا شِفاخانة عشان نخليك تعمل العادات الغلط بأكتر طريقة صحية او مع الوقت تغيرها خالص ونزود

شارك بتعليقك